Die tannies en oom, wat ook ‘n geskenk ontvang het, was innig dankbaar. Dit was vir my so lekker om julle bederfpakkies aan hulle te kon gee. Die waardering was so opreg. Die een tannie is baie doof en ek is steeds nie seker sy weet van wie af dit gekom het nie:-) Ek glo nietemin sy het die gebaar en geskenkie oneindig waardeer. Dankie dat julle dit vir ons moontlik gemaak het om hulle almal se Kersfees seisoen te kon ophelder.

Istie Childs, Kersfeesgeskenke

Vreeslik baie dankie vir die pragtige geskenke wat julle vir Ryno gestuur het, hy het sommer dadelik die “brandweer wa” gebou. Die boek is baie, baie leersaam, selfs vir my. Hy sê ook baie dankie vir die geskenke, hy waardeer dit opreg.

Carien, Kersfeesgeskenk vir Ryno

Ek wil net vir julle span sê baie, baie, baie dankie. Ek het so 2 jaar terug ‘n epos gestuur oor Louis Venter se been wat geamputeer is en dat die prostese te duur is vir hulle om te bekostig. Gister het hy sy been gekry en dis alles te danke aan julle! Nogmaals baie dankie dat julle my vriendin se las ‘n bietjie ligter gemaak het

Mari-Elize Miles Nel, Louis Venter

Baie dankie vir die bydrae wat julle vir Luan gemaak het in die vorm van sy mooi rooi kragopwekker!. Dit is meer as amazing om te weet dat daar soveel mense daar buite is wat omgee en al lief geword het vir Luan.

Stephan en Stephné, Kragopwekker